Ruhuň we zehiniň güýji: Deň mümkinçilikleri goldamak üçin konsert – artistleri goldama geliň!
Şu gün, 3-nji dekabrda, Halkara maýyplar gününde, Aşgabatda möhüm waka bolar: "Türkmenistan" kinokonsert merkezinde Türkmenistanyň körler we kerler jemgyýeti tarapyndan guralan uly konsert geçiriler.
Bu çäre, hakyky güýjüň we döredijilikli erkiň baýramçylygy hökmünde, inkluziw jemgyýeti gurmakda möhüm ädimdir. Bu ýerde her bir adamyň, fiziki mümkinçiliklerine garamazdan, zehini eşidilip, ykrar ediler.
Bu özboluşly agşam üçin eşidiş we görüş bozulmalary bolan artistler aýlarboýy joşgunly we ylham beriji çykyşlary taýýarladylar. Myhmanlar baý maksatnamadan: sungata we durmuşa söýgi bilen döredilen aýdyň we manyly tansly çykyşlaryndan, täsirli aýdymlardan, özüne çekiji sahna oýunlaryndan we ýürekden çykýan goşgulardan lezzet alarlar.
Guramaçylaryň belleýşi ýaly, konsertiň esasy maksady – döredijilikde hiç hili päsgelçilikleriniň ýokdugyny, şeýle hem tutanýerliligiň we özüne bolan ynamyň islendik päsgelçilikleri ýeňip geçip biljekdigini görkezmekden ybaratdyr.
“Biz hemmeleri bu ýörite agşamy paýlaşmaga, mysal hökmünde ynsan ruhunyň çäksiz güýjüne ynanmaga ylham berýän artistlerimizi goldamaga çagyrýarys” – diýip, Jemgyýetiň wekilleri aýtdy.
Konsertiň başlaýan wagty: 19:00.
Geçirilýän ýeri: "Türkmenistan" kinokonsert merkezi.
Giriş tölegsiz.
