Türkmenistanyň Prezidenti suw joşgunlary zerarly Tailanda we Indoneziýa gynanç bildirdi
Türkmenistanyň Prezidenti Serdar Berdimuhamedow Tailandyň Patyşasy Maha Wajiralongkorna we Indoneziýa Respublikasynyň Prezidenti Prabowo Subianta güýçli ýagyşlar sebäpli emele gelen suw joşgunlarynyň köp sanly adam pidalaryna, şikes ýetmelere hem-de weýrançylyklara getirendigi zerarly gynanç hatyny iberdi.
Döwlet Baştutany şu kynçylykly pursatda gurban bolanlaryň dogan-garyndaşlaryna we ýakynlaryna ýürekden gynanjyny hem-de medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
2025-nji ýylyň noýabr aýynyň ahyrynda Tailandda we Indoneziýada uzak wagtlap dowam eden güýçli ýagyşlar sebäpli soňky ýyllardaky iň güýçli suw joşmalary boldy. Tailandda tebigy betbagtçylyk ýurduň günorta welaýatlarynda bolup geçdi. Suw joşmasy onlarça adamyň pida bolmagyna, on müňlerçe adamlaryň meçbury başga ýerlere göçmegine we ulag infrastrukturasynyň hatardan çykmagyna getirdi. Indoneziýanyň Sumatra welaýatynda güýçli ýagan ýagyşlar suw joşgunlarynyň emele gelmegine we topraklaryň süýşmegine getirdi. Onuň netijesinde adamlar pida boldy, köprüler we ýüzlerçe öýler weýran boldy. Ýerli häkimiýetler işjeň ýagdaýda gözleg, halas ediş we kömek bermek işlerine başladylar, ejir çekenler üçin bolsa wagtlaýyn bolmak üçin ýerleri döretdiler.
ORIENT
