Türkmenistan IT-parkyny döwrebaplaşdyrmak üçin Ermenistanyň sanly ulgam boýunça tejribesini öwrenýär
Türkmenistan tehnologiki innowasion we telekeçilik üçin esasy merkezine öwrülmäge niýetlenen ýurduň “Sanly çözgüt IT meýdança” IT-parkyny döwrebaplaşdyrmagyň amaly tapgyryna geçýär.
Türkmenistanyň Bilim ministrliginiň we IT-meýdançanyň wekillerinden ybarat bolan wekiliýet öňdebaryjy halkara tejribesini öwrenmek maksady bilen Ermenistana resmi saparyny amala aşydy. Bu sapar BMG-niň Ösüş Maksatnamasy bilen Türkmenistanyň Aragatnaşyk ministrligi tarapyndan bilelikde gurnaldy.
Öwrenilen tejribeler innowasiýany çaltlaşdyrmak, maýa goýumlary çekmek we döwlet bilen hususy pudagyň arasyndaky hyzmatdaşlygy berkitmek üçin merkezi meýdança bolan – IT-parky döwrebaplaşdyrmak üçin toplumlaýyn ýol kartasyny işläp düzmek üçin gönüden-göni esas bolup hyzmat eder.
Saparyň dowamynda türkmen wekiliýeti milli sanly ileri tutulýan ugurlar bilen gönüden-göni baglanşykly amaly modelleri, institusional gurluşlary we strategiki çemeleşmeleri öwrenmäge ünsi jemledi. Hususan-da NVIDIA Armenia, Microsoft innowasiýa we kiberhowpsuzlyk inkubatory ýaly merkezlerde innowasiýa modelleri we maglumatlary goramak çemeleşmeleri öwrenildi.
Ýokary ösüşli tehnologiýa kompaniýalarynyň döredijilikli zehin ekoulgamlarynyň (TUMO, Picsart, Synopsys) we ölçenip bilinýän innowasiýa modelleriniň ösüşi barada amaly düşünjeler alyndy. Ykdysady ösüşi goldamakda ösen sanly infrastrukturanyň orny, şol sanda “Anzawur” milli superkompýuter merkeziniň we Emeli aňyň ösdürmek boýunça başlagyçlar merkeziniň (AI4ALL) işi şeýle hem sebitleýin tehnologiýa merkezlerini döretmegiň mehanizmleri (Gýumri tehnologik merkeziniň mysalynda) we bilim alyş-çalyş işlerini we mümkinçilikleri ösdürmekde akademiki hyzmatdaşlygyň (Ýerewan döwlet uniwersiteti) orny öwrenildi.
Bu many-mazmuna baý maksatnamanyň çäginde gazanylan ähli amaly bilimler maýa goýumda, hyzmatdaşlykda we halkara tejribesini ornaşdyrmakda strategik ileri tutulýan ugurlary kesgitlejek ýol kartasyna göniden-göni täsir eder.
Şeýlelik bilen Türkmenistan “Sanly çözgüt IT meýdança” IT-parkyny öňdebaryjy tejribe we zerur institusional mehanizmler bilen üpjün etmek arkaly gülläp ösýän sanly ykdysadyýeti gurmakda ýene bir kesgitleýji ädimi ädýär.
ORIENT
