LG-de wezipe üýtgetmeleri: Kompaniýa täze baş direktoryny belledi we ýolbaşçy düzümini täzeledi
Günorta Koreýanyň LG Electronics kompaniýasy giň gerimli wezipe üýtgetmeleri, şol sanda täze baş direktoryň bellenilmegini yglan etdi. 2025-nji ýylyň 1-nji dekabryndan başlap, bu wezipe Rýu Çže-çhol tarapyndan ýerine ýetiriler. Ol kompaniýanyň öý hojalygy üçin çözgütler boýunça möhüm bölümini üstünlikli dolandyran ýolbaşçy hökmünde tanalýar.
Rýu Çže-çhol dört ýyl bäri bu wezipede işleýän Çho Çžu-wanyň ýerine geçer. Täze baş direktor LG-de (öňki Goldstar) 1989-njy ýyldan bäri işleýär, hünär ýoluna gözleg bölüminde başlapdy. 2021-nji ýylda bolsa LG Electronics-iň esasy girdeji çeşmesi bolan öý hojalygy üçin enjamlar bölüminiň ýolbaşçysy boldy.
Ýolbaşçylaryň pikiri boýunça, bu wezipe üýtgetmeleri kompaniýanyň üýtgäp durýan sarp ediji islegleri we bazardaky güýçlenen bäsdeşlik şertlerinde durnukly ösüş gazanmagyny üpjün etmeli.
Üýtgetmeleriň çäginde 34 adam ýokary weziplere geçirildi ýa-da beýleki wezipelere bellenildi. Olaryň arasynda: 2 täze prezident; 2 täze wise-prezident; 9 täze uly wise-prezidentler bar.
Bu giň gerimli bellenişler LG-niň geljekde has gowy operasion netijelere ýetmek üçin ýolbaşçylyk düzümini täzeläp, gowulandyrmagy maksat edinýän strategiýasynyň bir bölegidir.
ORIENT
