Dünýä boýunça planşet satuwy üçünji çärýekde azaldy

Noýabr 25, 2025 | 12:30 |5729

«IDC-niň» maglumatlaryna görä, 2025-nji ýylyň üçünji çärýeginde dünýäde planşet satuwy geçen ýylyň degişli döwri bilen deňeşdirilende, 4,4% peselip, 38 million enjama deň boldy.

Hasabatda bellenilişine görä, alty çärýekläp dowam eden ösüşden soň planşet bazarynda islegiň azalmagy ýüze çykdy.

Bu ýagdaý, esasan, ABŞ-da import paçlarynyň ýokarlandyrylmagy boýunça gürrüňleriň netijesinde öndürilen we ammarlarda toplanylan artykmaç galyndylar bilen baglanyşdyrylýar.

Şeýle-de bolsa, ösüp barýan ýurtlarda planşetlere bolan isleg durnukly saklanýar. Muny okuw maksatlaryndaky taslamalar, döwlet tarapyndan durmuşa geçirilýän sanlylaşdyrma meýilnamalary hem-de elýeterli modelleriň köpelmegi üpjün edýär.

ORIENT