Talyp ýaşlar — bitaraplygyň we parahatçylygyň ilçileri: Gazagystanyň öňdebaryjy ylmy merkezinde duşuşyk
Gazagystan Respublikasynyň K.I. Satbaýew adyndaky Gazak milli ylmy-barlag uniwersitetinde Türkmenistanyň Gazagystandaky Ilçihanasy tarapyndan Türkmenistanyň hemişelik Bitaraplygynyň 30 ýyllygyna bagyşlanan maslahat geçirildi. Gazagystanyň öňdebaryjy akademiki merkezleriniň birinde guralan çäre ýaşlar derejesinde hukuk we medeni gatnaşyklaryň mundan beýläk-de ösdürilmeginiň ähmiýetini aýratyn belledi.
Çykyş edenler täze kabul edilen «Bitarap Türkmenistanyň parahatçylyk we ynanyşmak syýasatynyň hukuk esaslary hakynda» Konstitusion Kanunyň derejesine aýratyn üns çekdiler. Bu täze resminama bitaraplygyň diňe daşarky syýasatyň ugry bolman, eýsem döwlet syýasatynyň hukuk taýdan berkidilen esasydygyny tassyklaýar.
Talyp ýaşlar hemişelik Bitaraplygyň 30 ýyllygyna bagyşlanan öňümizdäki şanly çäreler — şol sanda Halkara parahatçylyk we ynanyşmak ýylynyň jemleýji wakasy boljak 12-nji dekabrda Aşgabatda geçiriljek halkara forum barada işjeň pikir alyşdylar.
Çäräniň ikinji bölegi medeni alyş-çalyşa bagyşlandy: türkmen talyplary aýdym-saz, tans, goşgular bilen çykyş etdiler hem-de «Küştdepdi» milli tansymyzy ýerine ýetirdiler. Bu çykyşlar ýaşlaryň öz watanynyň medeni ilçileri hökmünde eýeleýän ornuny üstünlikli açyp görkezdi.
Çäräniň ahyrynda Türkmenistanyň Ilçihanasynyň wekilleri uniwersitetiň ýolbaşçylary bilen aýratyn duşuşyk geçirip, talyplaryň okuw we durmuş ýagdaýa degişli meseleleri boýunça pikir alyşdylar.
Geçirilen çäre akademiki diplomatiýany, medeni hyzmatdaşlygy we hukuk aň-bilimi üstünlikli utgaşdyryp, ýaşlary parahatçylygyň we ynanyşmagyň täze nesil ilçileri hökmünde birleşdirdi.
ORIENT
