A2 roboty 100 km ýoluny pyýada geçip Ginnesiň rekordyny goýdy
Hytaýyň AgiBot kompaniýasy tarapyndan döredilen A2 atly gumanoid robot Ginnesiň rekordlar kitabyna girizildi we «dünýäniň iň çydamly roboty» adyna mynasyp boldy. A2 Suçžoudan Şanhaýa çenli bolan 106,2 kilometrlik ýoluny üstünlikli geçdi — bu aralyk 130 müňden hem köp ädimdir.
Bu üstünlik örän möhüm, sebäbi robot doly awtonom ýagdaýda hereket edip, operatorlaryň goşulyşmazlygyndan başga-da, diňe öz sensorlaryna daýanyp, çylşyrymly şäher şertlerinden geçip bildi.
Robotyň hereket ediş ugry dürli böleklerden ybarat boldy: şäher köçeleri, awtomagistrallar, köprüler, panduslar, basgançaklar we ýerasty geçelgeler.
• Nawigasiýa: Robot goşa GPS, iki sany LiDAR datçigi we ýagtylyga uýgunlaşýan kameralary ulanyp, doly awtonom hereket etdi.
• Netije: A2 ýol hereketiniň düzgünlerini bir gezek hem bozmandy, päsgelçiliklere-de duçar bolman, 130 müňden gowrak ädim ätdi.
Işläp taýýarlaýjylar synag üçin ulanylan AgiBot A2 modeliniň köpçülikleýin satylýan, üýtgedilmedik standart wersiýadygyny aýratyn bellediler.
Rekord derejeli awtonomlygynyň netijesinde A2 modeli eýýäm gündelik işlerde — ýükleri üýşürmek, haryt ýetirmek ýaly — ulanylýar. 2025-nji ýylda AgiBot kompaniýasy söwda üçin 1000-den gowrak A2 robotyny öndürdi.
ORIENT
