Türkmenistan - Gruziýa: söwda-ykdysady gatnaşyklary ösdürmek meseleleri ara alnyp maslahatlaşyldy
20-nji noýabrda Türkmenistanyň söwda we daşary ykdysady aragatnaşyklar ministri N.Agahanow hem-de Gruziýanyň Türkmenistandaky Adatdan daşary we Doly ygtyýarly ilçisi Konstantin Sabiaşwili bilen duşuşyk geçirildi.
Mälim bolşy ýaly, ýurdumyz oňyn Bitaraplyk syýasatyny durmuşa geçirmek bilen, döwletara, sebitara we halkara hyzmatdaşlygyň gerimini giňeltmäge, daşary ýurtly hyzmatdaşlar bilen söwda-ykdysady gatnaşyklary ösdürmäge möhüm ähmiýet berýär. Hemişelik Bitaraplyk hukuk ýagdaýyna laýyklykda Türkmenistanyň öňe sürýän başlangyçlary parahatçylyk söýüjilik, hoşniýetli goňşuçylyk syýasatyna, ählumumy abadançylygyň, rowaçlygyň, gülläp ösüşiň bähbidine dünýä döwletleri bilen hyzmatdaşlyga üýtgewsiz ygrarlydygyny görkezýär. Häzirki wagtda sebitara söwda-ykdysady hyzmatdaşlyk durnukly ösüşi üpjün etmekde strategik ähmiýete eýedir.
Söwda we daşary ykdysady aragatnaşyklar ministrliginde geçirilen duşuşykda hem iki ýurduň arasynda söwda-ykdysady gatnaşyklary ösdürmek bilen bagly meseleler ara alnyp maslahatlaşyldy.
ORIENT
