XXI asyrda ilkinji gezek: Marokkonyň wekili Afrikada «Ýylyň iň gowy oýunçysy» boldy

Noýabr 21, 2025 | 11:45 |23082

Fransiýanyň PSŽ toparynyň we Marokkonyň milli ýygyndysynyň goragçysy Aşraf Hakimi Afrikada «Ýylyň iň gowy oýunçysy» boldy.

Hakimi bu baýrak üçin geçirilen ses berlişikde «Liwerpuluň» müsürli hüjümçisi Mohamed Salah, «Galatasaraýyň» nigeriýaly hüjümçisi Wiktor Osimhen ýaly ýyldyzlary yzda galdyrdy.

Şeýlelikde, Aşraf soňky 27 ýylyň içinde Afrika yklmynyda «Ýylyň iň gowy oýunçysy» diýen ady almagy başaran ilkinji marokkoly futbolçy boldy.

Maglumat üçin, Aşraf Hakimi geçen möwsümde PSŽ bilen Fransiýanyň içindäki ähli turnirlerde ýeňiş gazandy, UEFA-nyň Çempionlar ligasynda çempion boldy we Klublaryň arasyndaky dünýä çempionatynda finala çykdy.

ORIENT