AI: Google tarapyndan “çäksiz” ýat ulgamy
Google kompaniýasy täze emeli aň paradigmasyny — Nested Learning (Içgin öwreniş) diýip atlandyrylýan ulgamyny hödürledi. Bu çemeleşme häzirki zaman neýroulgamlarynda ýüze çykýan esasy meseläni — täze maglumatlaryň öňden gelýän bilimleri “öçürmegini” çözmäge gönükdirilendir. Nested Learning modele, adamyň tapgyrlaýyn we yzygiderli öwreniş usulyna meňzeş derejede, maglumatlary üznüksiz saklamak we täze tejribeleri goşmak mümkinçiliklerini berýär.
Adaty modellerden tapawutlylykda, Nested Learning AI ulgamyny birmeňzeş proses hökmünde däl-de, biri-birine baglanan we basgançakly öwreniş wezipeleriniň toplumyna gönükdirýär. Bu ulgam Continuum Memory System (CMS) düşünjesine esaslanýar. Bu ýerde ýat birnäçe bölüme bölünýär:
• Haýal modullar: Wagtyň geçmegi bilen üýtgemeýän durnukly we esasy bilimleri saklaýar.
• Çalt modullar: Tiz üýtgeýän mazmuny we täze maglumatlary aňsat kabul edip, öňki ukyplary öçürmezden täze maglumatlary goşýar.
Bu gurluş modeliň öňki bilimleri ýitirmezden täze ýagdaýlara uýgunlaşmagyna we giňişleýin mazmuny doly kabul etmegine mümkinçilik berýär.
Google bu täze çemeleşmäniň prototipi hökmünde HOPE atly arhitekturasyny hödürledi.
Synaglaryň netijeleri boýunça, HOPE uzyn mazmunly we dil modelirlemek meselelerinde adaty transformerlere garanyňda has ýokary netijeleri görkezdi. Nested Learning, indiki AI ösüşi üçin täze mümkinçilikleri açýar:
• Üznüksiz öwrenmek we täze maglumatlary dowamly goşmak.
• Esasy we möhüm bilimleri ýitirmän ýady netijeli dolandyrmak.
ORIENT
