Türkmenistanly raýatlar syýahatçylyk möwsüminde iň köp Russiýa bardylar
Türkmenistan 2025-nji ýylyň üçünji çärýeginde Russiýa gelýänleriň dinamikasy boýunça öňdebaryjy ýurtlaryň hataryna girip, görkezijisini birbada 68,2% ýokarlandyrdy. Iýul–sentýabr aralygyndaky syýahatçylyk möwsüminiň depgini döwründe 24,1 müňe barabar sapar hasaba alyndy. Bu görkeziji ýurduň Russiýa syýahatlaryň esasy çeşme ýurtlarynyň arasynda dördünji orny eýelemegine mümkinçilik berdi. Bu barada Russiýanyň Syýahatçylyk operatorlar birleşigi (ATOR) maglumat berýär diýip, TASS habar berýär.
Umuman, 2025-nji ýylyň iýul–sentýabry aralygynda daşary ýurtlylaryň Russiýa eden saparlarynyň sany 655,8 müňe ýetdi. Şeýle saparlaryň iň köpsüni — 372,8 müň sanyny — Hytaý raýatlary üpjün edipdir, şeýle-de bolsa olaryň sany 13,3% kemelipdir.
Saparlaryň sany boýunça birinji ýerde Hytaý, ikinji ýerde Germaniýa (27,4 müň sapar) durýar. Üçünji orny ilkinji gezek Saud Arabystany eýeledi — bu ýurtdan 25 909 adam gelipdir (+13%). ATOR gatnaşygyň rekord derejä ýetmegine göni howa gatnawlarynyň açylmagynyň hem täsir edendigini belleýär.
Bäşinji orny BAE eýeledi (21,5 müň sapar, 10,1% peseliş). Şeýle hem Türkiýäniň görkezijisi ýokarlanyp, ýedinjiden altynjy ýere çykmagy (+12,2%) bellendi. Hindistan sapar möçberiniň 59% artmagy bilen dokuzynjydan sekizinji ýere çykdy. Sapar derejesiniň iň ýokary ösüşini Oman görkezdi — saparlar 2,2 esse artdy we ýurt ilkinji gezek birinji onluga girip, dokuzynjy orny eýeledi (8,9 müň sapar).
ORIENT
