Baku dünýä meşhur “Galkynyş” milli at üstündäki oýunlar toparyna garaşýar
14-18-nji noýabr aralygynda Türkmenistanyň wekiliýetinň Azerbaýjanda iş saparyny amala aşyrdy. Wekiliýete Aba Annaýew adyndaky Halkara atçylyk akademiýasynyň rektory Pygy Baýramdurdyýew ýolbaşçylyk edip, atçylyk ulgamynda ikitaraplaýyn gatnaşyklary ösdürmäge ylmy we bilim taýdan üns berilýändigini nygtady.
Esasy gepleşikler Azerbaýjan Respublikasynyň Atçylyk federasiýasynyň ýolbaşçysy, Döwlet serhet gullugynyň başlygy general-polkownik Elçin Guliýew şeýle hem Hazar deňziniň kenaryndaky “Sea Breeze” dynç alyş zolagynyň çägindäki sirkiň ýolbaşçysy Allahwerdi Israfilow bilen geçirildi.
Duşuşyklaryň dowamynda taraplar atçylyk sporty we milli atçylyk oýunlary boýunça ikitaraplaýyn medeni gatnaşyklary pugtalandyrmak, tejribe alyşmak we hyzmatdaşlygy mundan beýläk-de ösdürmek barada pikir alyşdylar.
Aýratyn üns Azerbaýjanda döredilen infrastruktura bilen tanyşmaga berildi. Türkmen wekiliýeti iň uly atçylyk merkezleri bolan “Bina” we “Serhetçi” toplumlaryna baryp gördüler.
Bu sapar milli çapyksuwarçylyk we atçylyk däplerini ösdürmek üçin şertleri, şeýle hem atlaryň, esasanam garabag atlarynyň tohum aýratynlyklaryny öwrenmek maksady bilen geçirildi. Bu dialog däp boýunça atçylygy medeni mirasynyň bir bölegi hasaplaýan iki ýurduň arasynda tejribe alyşmagy maksat edinýär.
Azerbaýjan tarapy 2026-njy ýylyň martynda Bakuda dünýä meşhur “Galkynyş” milli at üstündäki oýunlar toparynyň çykyşyny guramaga taýýardy barada habar berdi, bu çykyş iki doganlyk ýurduň arasyndaky medeni we ynsanperwer hyzmatdaşlygyň täze, aýdyň tapgyryny alamatlandyrar.
2025-nji ýylyň iýul aýynda Azerbaýjana sapary mahalynda Türkmenistanyň Halk Maslahatynyň Başlygy Gurbanguly Berdimuhamedowa Dostluk atly garabag aty sowgat berildi .
Şol ýylyň awgust aýynda Awazada Azerbaýjan Respublikasynyň Prezidenti Ilham Aliýewe ahalteke bedewi sowgat berildi .
ORIENT
