Ýaşlar baýragynyň eýeleri sylaglandy
Noýabr 16, 2025 | 16:25 |3567
Şu gün — 16-njy noýabrda Türkmenistanyň jemgyýetçilik guramalarynyň Merkezi binasynda Türkmenistanyň Magtymguly adyndaky Ýaşlar guramasynyň döredilmeginiň 34 ýyllygy mynasybetli Ýaşlar baýragyny gowşurmak dabarasy geçirildi.
Ýokary okuw mekdepleriniň ýaş mugallymlarynyň, öňdebaryjy talyp ýaşlarynyň we mekdep okuwçylarynyň, döredijilik toparlarynyň agzalarynyň, žurnalistleriň, dürli ministrlikleriň we pudaklaýyn dolandyryş edaralarynyň ýaş hünärmenleriniň 141-i Türkmenistanyň Ýaşlar baýragynyň eýeleri boldular.
Ýeňijilere Türkmenistanyň Prezidentiniň «Ýaşlar – Watanyň daýanjy» atly kitaby, Şahadatnamalar, gymmat bahaly sowgatlar we gül çemenleri dabaraly ýagdaýda gowşuryldy.
ORIENT
