Ilon Maskyň «xAI» kompaniýasy 15 milliard dollar maýa goýum çekdi
Ilon Maskyň emeli aň boýunça döredilen startapy «xAI» täze maýa goýum tapgyrynyň çäginde 15 milliard amerikan dollary möçberinde maliýe serişdesini çekdi. Bu barada gepleşiklerde habarly çeşmä salgylanyp, «CNBC» habar berýär.
Habarda ýazylyşyna görä, goýlan serişdeleriň möhüm bölegi iri dil modellerini özleşdirmek üçin zerur bolan grafiki prosessorlary satyn almaga gönükdiriler.
Bu maýa goýum tapgyryndan soň, «xAI» kompaniýasynyň bahasy, takmynan, 200 milliard dollaryna golaýlady. Deňeşdirmek üçin, ýakynda geçirilen maýa goýum tapgyrynda «Anthropic» 183 milliard amerikan dollaryna, «OpenAI» bolsa, takmynan, 500 milliard amerikan dollaryna bahalanypdy.
Şeýle hem sentýabr aýynda Ilon Mask «X» sosial ulgamyndaky sahypasynda kompaniýanyň goşmaça maýa goýum çekmegi meýilleşdirmeýändigini aýdypdy.
ORIENT
