"INTEGRA CITY" Aşgabatdaky "Türkmentel 2025" sergisinde geljegiň durnukly şäherleri üçin öz çözgütlerini hödürledi
Aşgabat üç günläp sebitiň sanly paýtagtyna öwrüldi. 12-nji noýabrdan 14-nji noýabra çenli, Türkmenistanyň telekommunikasiýa pudagynyň baş wakasy hem-de Merkezi Aziýanyň aragatnaşygyň, tehnologiýalaryň we sanly dolandyryşyň geljegi maslahat edilýän esasy meýdançalarynyň biri bolan 18-njy Halkara "Türkmentel 2025" sergisi geçirilýär.
Bu ýylky çärä 15 ýurtdan IT, kiberhowpsuzlyk, hemra ulgamlary we emeli intellekt pudagynda öňdebaryjy çözgütleri hödürleýän 200-den gowrak kompaniýa gatnaşdy. Halkara işewürlik atmosferasy, baý maksatnamasy we ýokary guramaçylyk derejesi bu çäräni diňe bir sergi däl-de, eýsem tejribe alyşmak, tehnologiýalary görkezmek we hyzmatdaşlygy ösdürmek üçin hem meýdança öwürýär.
Türkmenistan şu günki günde sanlylaşdyrma ulgamynda sebitde iň işjeň ösýän ýurtlaryň biridir. Bu ýerde "akylly" tehnologiýalary ornaşdyrmak boýunça döwlet maksatnamalary yzygiderli durmuşa geçirilýär, aragatnaşyk infrastrukturasy döwrebaplaşdyrylýar, maglumat merkezleri we milli IT-platformalar ösdürilýär. Döwlet durnukly sanly ösüşiň esasy şertleri bolan tehnologik özygtyýarlylyga we adam maýasyny ösdürmäge üns berýär. Bu ädimler halkara kompaniýalar bilen hyzmatdaşlyk etmek we öňdebaryjy çözgütleri ornaşdyrmak üçin amatly şertleri döredýär.
"Türkmentel" sergisinde sanly özgertmeleriň öňdebaryjylaryndan biri bolan "INTEGRA CITY" halkara kompaniýalar topary şäherleri geljegiň kynçylyklaryna jogap berýän durnukly, akylly we oňaýly giňişliklere öwürýän tehnologiýalary görkezýär.
Serginiň myhmanlary üçin "INTEGRA CITY"-niň stendi iň köp barylýan nokatlaryň biri boldy — bu ýerde şäher durmuşynyň geljegi maslahat edilýär, dolandyryş ulgamlarynyň interfeýsleri synagdan geçirilýär we täze tehnologiýalary integrirlemek barada pikirler alşylýar. Türkmenistanly hünärmenler, halkara bilermenler we döwlet edaralarynyň wekilleri hödürlenen çözgütleriň ýokary derejesini we olaryň milli sanly platformalara uýgunlaşmak mümkinçiligini belleýärler.
Serginiň merkezindäki esasy element "INTEGRA CITY"-niň uniwersal çözgüdi boldy — ol islendik masştabdaky şäherleriň durmuşynyň wajyp taraplaryny dolandyrmak üçin döwrebap platforma gurallaryny özünde birleşdirýän sanly ekoulgamdyr. Bu platforma emeli intellekt arkaly dolandyrylýar we ähli şäher prosesleriniň toplumlaýyn sanlylaşdyrylmagyny üpjün edýär. "INTEGRA CITY"-niň esasynda "Akylly we Howpsuz Şäher" konsepsiýasy durýar — ol diňe bir tehnologiýa däl-de, eýsem energetikany, transporty, howpsuzlygy we şäher serwislerini ýeke-täk akylly torda birleşdirýän häzirki zaman durmuşyň pulsudyr.
Myhmanlar "INTEGRA CITY"-niň Sfera, Nexus, Kodex we Bordex ýaly flagman çözgütleri bilen tanyşýarlar, bu çözgütler eýýäm öz netijeliligini subut etdi we Merkezi Aziýa ýurtlarynda öz masştabyny giňeltmäge we uýgunlaşmaga bolan ýokary potensialyny görkezýär. Sfera akylly şäher üçin, Nexus bolsa howpsuzlyk üçin jogap berýär, Kodex elektron dolandyryş (e-Governance) ugruny ösdürýär, Bordex bolsa serhet howpsuzlygyna gözegçiligi üpjün edýär. Ähli sanly önümler ýerli aýratynlyklara çeýe uýgunlaşýar we zerur bolsa, anyk wezipeler, infrastruktura we şäher masştablary üçin noldan ornaşdyrylyp bilýär.
"Biziň üçin sanlylaşdyrma diňe bir maglumatlar we algoritmler däl. Ol adamlar, olaryň rahatlygy, howpsuzlygy we geljege bolan ynamy hakynda bolup durýar. Biz şäherleriň ösmegine we raýatlaryň tehnologiýalaryň özleri üçin işleýändigini duýmagyna kömek edýän çözgütleri döredýäris. Türkmentel şol pikirleriň hakykatda nähili durmuşa geçirilýändigini görkezmek üçin ajaýyp meýdançadyr,” - diýip, INTEGRA CITY kompaniýalar toparynyň Tehniki bölüminiň direktory Ilýa Belýakow belledi.
Halkara "Türkmentel" sergisi däp boýunça döwlet edaralarynyň, işewürligiň, gözleg-barlag institutlarynyň we halkara kompaniýalaryň wekillerini bir ýere jemleýär. Bu ýyl ykdysady ösüşiň itergileýji güýji bolup durýan emeli intellekti ornaşdyrmaga, telekom-infrastrukturany ösdürmäge we hemra tehnologiýalaryna üns berildi.
"INTEGRA CITY"-niň şeýle giň gerimli çärä gatnaşmagy kompaniýanyň dürli ýurtlaryň tejribesini birleşdirýän we şäherleri sanly özgertmek üçin amaly çözgütleri hödürleýän global tehnologik oýunçy diýen statusyny nygtaýar.
Kompaniýa halkara hyzmatdaşlygy işjeň ösdürýär we taslama düzmekden we enjamlary getirmekden başlap, ulgamlary ornaşdyrmaga we goldaw bermäge çenli "açar gowşurmak" taslamalaryny durmuşa geçirýär. "INTEGRA CITY" "akylly şäher" maksatnamalarynyň durnukly ösüş boýunça milli strategiýalaryň bir bölegi bolup durýan Türkmenistanda we sebitiň ýurtlarynda hyzmatdaşlyk üçin uly potensial görýär.
"Türkmentel 2025"-iň ýene bir gezek subut edişi ýaly: şäher infrastrukturasynyň geljegi tehnologiýalaryň, maglumatlaryň we pikirleriň utgaşmasy esasynda gurulýar. INTEGRA CITY bolsa Merkezi Aziýanyň şäherlerini döwrebap, durnukly we ýaşaýyş üçin oňaýly edip, şol geljege şekil berýänleriň biridir.
