Dünýäde maglumat merkezlerine goýulýan maýa 2025-nji ýylda 580 milliard dollardan geçer
Bütindünýä Energetika Agentliginiň (IEA) maglumatlaryna görä, 2025-nji ýylda maglumatlary işläp taýýarlaýan merkezleriň (MITM) gurluşygy üçin gönükdirilen maýa goýumlaryň ýyllyk möçberi 580 milliard amerikan dollaryna ýeter. Bu bolsa şu ýyl täze nebit känlerini gözlemek üçin goýberiljek maliýe serişdelerinden 40 milliard dollar möçberinde köpdür.
Onýyllygyň ahyryna çenli emeli aň bilen bagly maglumat merkezleriniň energiýa sarp edişi bäş esse ýokarlanar, bu ugurda ähli görnüşdäki merkezleriň häzirki görkezijileri hem artar. Maglumat merkezleriniň sarp edýän energiýasynyň esasy bölegi ABŞ-a, galan bölegi bolsa Ýewropa we Hytaýa degişli bolar. Täze desgalaryň köpüsi uly şäherleriň golaýynda gurlup, olar 200 megawattdan ýokary kuwwat bilen işlemek üçin niýetlenýär.
Käbir sebitlerde, şol sanda Wirjiniýanyň demirgazygynda we Dublin şäherinde elektrik torlaryna birikdirilmek kuwwat ýetmezçiligi sebäpli birnäçe ýyl gijä galýar. Mundan başga-da, energetika enjamlarynyň ýetmezçiligi emeli aň ulgamlarynyň artýan isleglerine laýyklykda infrastrukturanyň durkuny täzelemegi haýalladýar.
IEA-nyň çaklamalaryna görä, 2035-nji ýyla çenli gaýtadan dikeldilýän energiýa çeşmeleri maglumat merkezleriniň bu ugurdaky zerurlyklarynyň esasy bölegini üpjün edip biler.
ORIENT
