Ankarada Türkmenistanyň hemişelik Bitaraplygynyň 30 ýyllygy mynasybetli «tegelek stol» geçirildi
12-nji noýabrda Türkmenistanyň Türkiýe Respublikasyndaky ilçihanasynda Halkara parahatçylyk we ynanyşmak ýyly hem-de Türkmenistanyň hemişelik Bitaraplygynyň 30 ýyllygy mynasybetli «tegelek stol» geçirildi. Geçirilen çärä halkara guramalaryň wekilleri, jemgyýetçilik işgärleri, türkmen diasporasynyň wekilleri, talyp ýaşlar, şeýle hem KHBS-iň wekilleri gatnaşdylar.
Maslahata gatnaşyjylara Halkara parahatçylyk we ynanyşmak ýyly hem-de Türkmenistanyň hemişelik Bitaraplygynyň 30 ýyllygy mynasybetli geçirilýän çäreler, şol sanda şu ýylyň dekabr aýynda Aşgabatda geçiriljek halkara foruma taýýarlyk işleri barada maglumatlar ýetirildi.
Mundan başga-da, «tegelek stoluň» dowamynda Türkmenistanyň halkara derejesindäki ýokary üstünliklerini şöhlelendirýän wideorolik görkezildi hem-de türkmen halkynyň baý medeni mirasyny tanyşdyrýan sergi guraldy.
ORIENT
