2025-nji ýylyň üçünji çärýeginde dünýäde smartfonlaryň satuwy 2,6% ýokarlandy
«International Data Corporation» («IDC») kompaniýasynyň seljermelerine görä, 2025-nji ýylyň üçünji çärýeginde dünýäde smartfonlaryň satuwy geçen ýylyň degişli döwri bilen deňeşdirilende, 2,6% ýokarlanyp, 322,7 million birlige ýetdi.
Hasabat döwründe söwdanyň ösüşini premium-segment üpjün etdi. Has takygy, ulanyjylar bolsa has köp emeli aň ukyby bolan we innowasion form-faktora eýe täze modelleri satyn aldylar.
Hasabata görä, 61,4 million smartfon (6,3% ösüş) satan «Samsung» dünýä bazaryndaky liderligini saklap galdy. Iň köp smartfon satan kompaniýalaryň üçlüginde «Apple» (58,6 million smartfon, 2,9% ösüş) we «Xiaomi» (43,5 million smartfon, 1,8% ösüş) hem bar.
«IDC» geljek çärýekde-de bazardaky ösüş depgininiň dowam etjekdigini çaklaýar.
ORIENT
