Futbol boýunça dünýä çempionatlarynda ilkinji gezek Merkezi Aziýanyň wekili 6 gol urdy
Özbegistanyň 17 ýaşa çenli ýetginjekler ýygyndysy Katarda geçirilýän futbol boýunça U-17 dünýä çempionatynda 1/16 final tapgyryna gatnaşmaga hukuk gazandy. Özbek futbolçulary toparçadaky üçünji oýunlarynda Panamany 6:1 hasabynda ýeňlişe sezewar etdiler. Şeýlelikde, Özbegistanyň U-17 ýygyndysy futbol boýunça erkekleriň arasyndaky dünýä çempionatlarynda (ähli ýaş derejelerinde) 6 gol urmagy başaran we 5 top aratapawut bilen ýeňiş gazanan Merkezi Aziýanyň ilkinji wekili hökmünde taryha girdi.
Maglumat üçin, Özbegistanyň ýygyndysy U-17-nji dünýä çempionatynyň birinji tapgyrynda Paragwaýy 2:1 hasabynda utup, ikinji tapgyrda Irlandiýadan 2:1 hasabynda asgyn gelipdi.
Özbegistan 17 ýaşa çenli ýetginjekleriň arasyndaky dünýä çempionatynyň 1/16 finalynda Horwatiýa garşy meýdança çykar. Oýun 14-nji noýabrda geçiriler.
ORIENT
