Gazagystan 2 milliard dollarlyk emeli aň merkezini döreder
Gazagystanda umumy bahasy 2 milliard amerikan dollarla deň bolan milli emeli aň merkezini döretmegi meýilleşdirilýär. Taslama «Freedom Holding Corp.» tarapyndan Gazagystan Respublikasynyň Emeli aň we sanly ösüş ministrligi hem-de «NVIDIA» kompaniýasy bilen hyzmatdaşlykda amala aşyrylar.
Merkez 100 megawatt kuwwatlylygy eýe bolan «NVIDIA-nyň» infrastrukturasynyň esasynda gurlar. Ministrlik emeli aň boýunça hünärmenleri taýýarlamaga ýöriteleşen EA-Akademiýany hem-de ylmy barlag laboratoriýasyny döretmäge goldaw berer.
Gazagystanyň Premýer-ministriniň orunbasary, emeli aň we sanly ösüş ministri Žaslan Madiýewiň aýtmagyna görä, «NVIDIA» bilen hyzmatdaşlyk Gazagystanyň emeli aň boýunça milli strategiýasyny durmuşa geçirmekde möhüm ädim bolar hem-de ýurduň ykdysadyýetini pugtalandyrmaga ýardam eder.
ORIENT
