WTA ýylyň gutarnykly reýtingini yglan etdi: Sobolenko birinji ýerde

Noýabr 11, 2025 | 15:10 |2678

Çeşme: smartpress.by

Duşenbe güni WTA 2025-nji ýylyň gutarnykly reýtingini yglan etdi. Oňa laýyklykda, sanawda belarusly Arina Sobolenko 10 870 utuk bilen liderlik edýär. Ikinji ýeri 8 395 utuk bilen polşaly tennisçi Iga Şwýontek eýelemegini dowam etdirýär. Güýçli üçlügi bolsa ABŞ-nyň wekili Kori Gauff 6 763 utuk bilen jemläp dur. Reýtingiň top-10-lugynda ýeke-täk üýtgeşme golaýda WTA-nyň Jemleýji turnirinde çempion bolan gazagystanly Ýelena Rybakinanyň altynjy basgançakdan bäşinji ýere ýokarlamagydyr. Ýeri gelende bellesek, Ýelena Rybakina Merkezi Aziýa ýurtlarynyň wekilleriniň arasynda WTA-nyň Jemleýji turnirinde ýeňiş gazanan ilkinji türgen hökmünde hem taryha girdi.

ORIENT