Ýylyň başyndan bäri Azerbaýjana baran türkmenistanly syýahatçylaryň sany belli boldy
Türkmenistan Azerbaýjana syýahat edýän raýatlarynyň sany boýunça Merkezi Aziýa ýurtlarynyň arasynda öňdäki orunlaryň birini eýelemegini dowam etdirýär. 2025-nji ýylyň ýanwar — sentýabr aýlary aralygynda Azerbaýjana 24 029 türkmenistanly baryp gördi. Azerbaýjanyň Syýahatçylyk boýunça döwlet agentliginiň berýän maglumatlaryna görä, hasabat döwründe Azerbaýjana Merkezi Aziýa ýurtlaryndan jemi 162 106 jahankeşde syýahat edipdir. Şolaryň 78 127-si Gazagystandan, 44 490-sy Özbegistandan, 8 243-si Gyrgyzystandan we 7 217-si Täjigistandan baran syýahatçylardyr. Umuman, 2017 — 2024-nji ýyllar aralygynda Azerbaýjana Merkezi Aziýa ýurtlaryndan 726 258 syýahatçy baryp, şolaryň 178 236-sy Türkmenistanyň raýatlarydyr. Bu görkezijiler iki ýurduň arasynda medeni we ynsanperwer gatnaşyklaryň pugtalandyrylýandygyny hem-de sebitdäki syýahatçylygyň ösüş depgininiň ýokarlanýandygyny görkezýär.
ORIENT
