OpenRouter platformasynda syrly "Polaris Alpha" atly täze model peýda boldy
OpenRouter platformasynda mugt synag üçin «Polaris Alpha» deslapky ady bilen täze neýro ulgam peýda boldy. Bu «gizlin modeliň» döredijisi açyk görkezilmeýär, ýöne IT jemgyýetinde onuň OpenAI tarapyndan döredilen GPT-5.1-niň irki synag wersiýasy bolup biljekdigi barada işjeň gürrüňler bar. Bu pikiriň esasy delili — modelde görkezilen knowledge cutoff parametriniň diňe GPT-5 maşgalasy bilen gabat gelýändigi.
Polaris Alpha modeli öz döredijisi barada maglumatlary gizleýär, ýöne onuň bilim maglumatlarynyň haçana çenli täzelenendigini görkezýär: 2024-nji ýylyň oktýabry. Häzirlikçe bazardaky ähli belli modelleriň arasynda bu sene diňe GPT-5 maşgalasynda duş gelýär.
Mundan başga-da, Polaris Alpha bilen geçirilen synag soragnamalarynda onuň kody we jogaplary generirleme stili öňki maglunatlarda görkezilen GPT-5 Thinking modeli bilen örän meňzeş.
Polaris Alpha-nyň synag meýdançasyna peýda bolmagy, ýakyn wagtda GPT-5.1-niň çykmagy baradaky gürrüňler bilen gabat geldi. OpenAI-niň täze AI wersiýasy barada maglumat birnäçe gezek Codex hyzmatynyň kodlarynda tapyldy.
Şol maglumatlaryň birinde hatda çykarylyş senesi hem görkezilýär — 24-nji noýabr 2025. Bu sene OpenAI üçin adaty çykarylyş senesi däl, ýöne soňky ýyllarda täze wersiýalaryň (GPT-4 we GPT-4o ýaly) 2–4 aýda bir gezek täzelenýändigini göz öňünde tutsak, täze wersiýanyň ýakyn wagtda peýda bolmagy ähtimal. Polaris Alpha-nyň jemgyýetçilik synagyna çykarylmagy bolsa bu garaşylýan ýagdaýy has-da güýçlendirýär.
ORIENT
