Xiaomi Super Slim magnitli pauerbenki çykardy: smartfonlar üçin iň inçe akkumulýator
Xiaomi kompaniýasy halkara bazarda täze daşarky batareýasyny — Super Slim Magnetic Power Bank 5000-i hödürledi. Enjamyň esasy aýratynlyklary — örän inçe korpus we güýçli magnit arkaly berkidilme. Täze model hem simli (22 W-a çenli), hem-de simsiz (15 W-a çenli) zarýad bermegi goldaýar. Bu bolsa ony häzirki zaman smartfonlary üçin amatly enjam edýär.
5000 mA·s göwrümli litiý-kobalt-oksid batareýaly pauerbank ykjam ölçegleri bilen bäsdeşlerden tapawutlanýar:
• Ölçegi: 10,2 × 7 × 0,9 sm.
• Agramy: bary-ýogy 122 gram.
Şeýle ölçegler sebäpli ol smartfona göterilende kän agram ýa-da galyňlyk goşmaýar. Simsiz zarýadyň durnuklylygyny üpjün etmek üçin enjamda 17 sany neodim magnit ýerleşdirilen magnit meýdançasy bar. Xiaomi kompaniýasy magnit berkidilme güýjüniň adaty iPhone 16-nyň agramyndan 5 esse ýokarydygyny aýdýar.
Super Slim Magnetic Power Bank bir wagtyň özünde iki enjamy zarýadlap bilýär:
• Simsiz zarýad: 15 W-a çenli
• Simli zarýad (USB-C arkaly): 22 W-a çenli.
Howpsuzlyga iki sany NTC temperatura datçigi jogap berýär, olar aşa gyzmagyň öňüni alýar we aşa ýüklenmä garşy goraýar. Öndüriji batareýanyň 300 zarýad aýlawyndan soňam 80% başlangyç kuwwatynyň saklanylýandygyny aýdýar.
Täze enjamyň halkara bazardaky bahasy 22 ýewro (takmynan 2000 rubl). Häzirlikçe diňe gara reňkli görnüşi elýeterli.
ORIENT
