Türkmenistanyň UNWTO-nyň 26-njy mejlisinde: üns merkezinde emeli aňyň esasyndaky syýahatçylyk
Türkmenistanyň Medeniýet ministri Atageldi Şamyradowyň ýolbaşçylygyndaky Türkmenistanyň wekiliýeti 7–11-nji noýabry aralygynda Saud Arabystany Patyşalygynyň Er-Riýad şäherinde geçirilýän BMG-niň Bütindünýä syýahatçylyk guramasynyň (UNWTO) Baş assambleýasynyň 26-njy mejlisine gatnaşýar.
Assambleýa dürli ýurtlardan 160-dan gowrak wekiliýet gatnaşýar, bu bolsa ara alnyp maslahatlaşylýan gün tertibiniň ählumumy derejedäki ähmiýetini nygtaýar.
26-njy mejlisiň esasy temasy “Emeli aňyň esasyndaky syýahatçylyk: geljege täze göz bilen seretmek” diýip yglan edildi. Bu saýlaw dünýä syýahatçylygyň täze arhitekturasyny kemala getirmekde emeli aňyň strategik ornuny görkezýär. Türkmenistanyň wekiliýetiniň şeýle ýokary derejede gatnaşmagy ýurduň milli syýahatçylyk pudagynyň sanly özgerdilmegine gönükdirilen döwrebap tendensiýalara ygrarlydygyny görkezýär.
Bu mejlisde syýahatçylyk infrastrukturasyny işjeň ösdürýän (meselem, “Awaza” milli syýahatçylyk zolagy we Beýik Ýüpek ýolunyň gadymy ýerleri) Türkmenistan üçin gönüden-göni gyzyklanma döredýän esasy ugurlar ara alnyp maslahatlaşylar.
Ara alnyp maslahatlaşylýan ugurlara syýahatçylyk hyzmatlarynda we dolandyryşynda öňdebaryjy tehnologiýalary we emeli aňy ornaşdyrmak, syýahatçylyk ugurlaryny ösdürmek üçin hyzmatdaşlygy giňeltmek we tejribe alyşmak, şeýle hem BMG-niň Durnukly ösüş maksatlaryna laýyklykda syýahatçylygyň durnuklylygyny we inkluziwligini ýokarlandyrmak girýär.
Türkmenistanyň UNWTO-nyň Baş Assambleýasyna yzygiderli gatnaşmagy onuň milli syýahatçylyk mümkinçiliklerini dünýä ulgamyna goşmakda we bu ugurda halkara hyzmatdaşlygyny pugtalandyrmakda möhüm ädimdir.
ORIENT
