Türkmenistanyň Ilçisi Indoneziýanyň Prezidentine ynanç hatlaryny gowşurdy
Jakarta şäherinde, Indoneziýa Respublikasynyň Prezidentiniň köşgünde Türkmenistanyň Indoneziýa Respublikasyndaky Adatdan daşary we Doly ygtyýarly Ilçisi (oturýan ýeri Kuala-Lumpur ş.) Muhammetnyýaz Maşalowyň Prezident Prabowo Subianto ynanç hatlaryny gowşurmak dabarasy geçirildi.
Ilçi Muhammetnyýaz Maşalowy Türkmenistanyň Prezidenti Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň adyndan Indoneziýanyň Prezidentine mähirli salamlary we iň gowy arzuwlary ýetirdi.
Indoneziýanyň Prezidenti Prabowo Subianto Ilçini bu jogapkärçilikli wezipä bellenilmegi bilen gutlap, oňa diplomatik işinde uly üstünlikler arzuw etdi.
Söhbetdeşligiň dowamynda taraplar döwletara gatnaşyklaryny ösdürmäge gyzyklanmalaryny tassykladylar. Ilçi Türkmenistanyň Indoneziýa Respublikasyny Günorta-Gündogar Aziýada möhüm hyzmatdaş hasaplaýandygyny belledi we syýasy-diplomatik, söwda-ykdysady, medeni-ynsanperwer ugurlary hyzmatdaşlygyň ileri tutulýan ugurlary hökmünde kesgitldi.
Pursatdan peýdalanyp, Ilçi Türkmenistanyň Prezidentiniň adyndan Indoneziýa Respublikasynyň Prezidentini Türkmenistana sapar bilen gelmäge çagyrýandygy baradaky maglumaty ýetirdi.
Esasy dabaradan soňra täze bellenen Ilçiniň Indoneziýa Respublikasynyň Daşary işler ministri Sugiono bilen duşuşygy geçirildi.
Duşuşykda Indoneziýanyň ministri Ilçiniň diplomatik işini durmuşa geçirmekde ýardam we goldaw bermäge taýýardygyny belledi. Taraplar ikitaraplaýyn arasyndaky hyzmatdaşlygy has-da pugtalandyrmak üçin iki ýurduň daşary syýasat edaralarynyň derejesinde yzygiderli aragatnaşygy saklamak babatynda ylalaşdylar.
ORIENT
