WhatsApp 2026-njy ýylda telefon belgilerini ulanyjy atlary bilen çalşar
WhatsApp messenjeri öz taryhynda iň uly üýtgeşmeleriniň birine taýýarlanýar: 2026-njy ýylyň ahyrynda ulanyjy atlaryny ulanmak üçin köp wagtdan bäri garaşylýan mümkinçilik işjeňleşdiriler. Bu täze gizlinlik funksiýasy arkaly jaň etmek we habar ibermek üçin telefon belgisini açyk görkezmek hökman bolmaz. Häzirki wagtda bu mümkinçilik programmanyň beta-wersiýalarynda giňişleýin synagdan geçirilýär.
Ulanyjy atlaryna geçmek — bu WhatsApp tarapyndan 2024-nji ýylda öňünden yglan edilen goşmaça gizlinlik çäresidir. Işläp taýýarlama garaşaryndan köp wagt talap etdi. Bu mümkinçilik hökman infrastruktura üýtgeşmelerini talap etdi, sebäbi inženerler maglumatlaryň doly utgaşygyny, giňeldilmegini we şifrlenmesini üpjün etmek üçin ulgamyň möhüm bölegini täzeden gurmaly boldular.
Ilki bilen işewürlik-API üçin niýetlenen bu täzelik, soňundan adaty ulanyjylar üçin hem şahsyýeti tanatmagyň goşmaça usuly hökmünde ulanylar.
Ulanyjy atlary bilen birlikde ýörite işewür-şahsyýet belgileri (BSUID) hem ornaşdyrylýar:
• BSUID — WhatsApp her bir ulanyja berýän özboluşly ID belgisidir.
• Bu kompaniýalara müşderiniň telefon belgisini bilmeýän halatynda hem oňa habar ibermäge mümkinçilik berer.
• Kompaniýalar 2026-njy ýylyň iýunyna çenli CRM we analitika ulgamlaryny doly täzelemeli bolarlar.
Ulanyjylary ady boýunça gözlemek we olar bilen jaňlaşmak mümkinçiligi eýýäm Android üçin WhatsApp-yň beta-wersiýasynda (2.25.33.2) synag üçin elýeterlidir.
ORIENT
