Aşgabatda «Biz tapawutly, biz deňdiris» atly her ýylky inklýuziw festiwaly geçiriler
Noýabr 08, 2025 | 16:25 |11919
15-nji noýabrda «Aşgabat» seýilgähinde «Biz tapawutly, biz deňdiris» atly her ýylky inklýuziw festiwaly geçiriler.
Çäre 3-nji dekabrda bellenilýän Halkara maýyplar güni mynasybetli geçirilýär.
Festiwalyň maksatnamasyna sport ýaryşlary — woleýbol, stol-tennis we uly tennis, küşt we şaşka, şeýle hem herekete esaslanýan oýunlar, daga dyrmaşmak, surat bäsleşigi, wiktorinalar, ussatlaryň eserleriniň sergisi we döredijilik çykyşlary girýär.
Gatnaşyjylara aýdym-saz we tans cykyşlary, fleşmob we birek-birege hormat goýmak, döredijilik we şatlyk bilen doly baýramçylyk gurşawy garaşýar. Festiwal 14:00-dan 16:30-a çenli dowam eder.
ORIENT
