Türkmenistanda ilkinji aýazlar hasaba alyndy
Sişenbeden çarşenbä geçilýän gije Daşoguz welaýatyna, Lebap welaýatynyň demirgazyk we merkezi etraplaryna antisiklonyň gelip girmegi we Arktikadan sowuk howa agramlarynyň Günbatar Sibiriň hem-de Gazagystanyň üsti bilen gelmeginiň netijesinde ilkinji aýazlar ýüze çykdy.
Daşoguzda çarşenbe güni ir bilen temperatura -4,2° çenli peseldi. Türkmenistanyň iň günorta künjeginde-de ilkinji aýazlar bellendi. Türkmenistanyň beýleki welaýatlarynda hem howa sowady.
Aşgabatda oktýabr aýynda adatdan daşary ýylylygyň yzysüre şu möwsümde ilkinji gezek temperatura +5°-den aşaklap, +4,6°-e çenli düşdi.
Daşoguz welaýatynda, Lebap welaýatynyň käbir etraplarynda, Balkan welaýatynyň demirgazyk sebitlerinde hem-de Mary welaýatynyň iň günorta künjeginde gije aýazlary hepdäniň ahyryna çenli saklanjakdygy meteorologiýa žurnaly tarapyndan habar berilýär.
