Şawkat Mirziýoýew ÝUNESKO-nyň Baş konferensiýasynyň 43-nji sessiýasynyň açylyş dabarasynda çykyş etdi

Oktýabr 31, 2025 | 11:55 |12308

30-njy oktýabrda Özbegistan Respublikasynyň Prezidenti Şawkat Mirziýoýew Samarkant şäherinde geçirilýän ÝUNESKO-nyň Baş konferensiýasynyň 43-nji sessiýasynyň açylyş dabarasynda çykyş etdi.

Özbegistanyň Prezidenti ÝUNESKO-nyň çäginde amaly hyzmatdaşlygy has-da giňeltmek boýunça birnäçe möhüm başlangyçlary öňe sürdi.

📌 Esasy tezisler:

✅ aýratyn zerurlyklary bolan çagalar üçin inklýuziw bilimi ösdürmek boýunça ÝUNESKO-nyň Platformasyny döretmek;

✅ bilim ulgamynda halkara dialogy guramak we tejribe alyşmak maksady bilen Bütindünýä hünär bilimi sammitini geçirmek;

✅ Özbegistanda ÝUNESKO-nyň gatnaşmagynda bilim ulgamyna emeli aňy giňden ornaşdyrmaga gönükdirilen “Emeli aň – mekdep” atly taslamany durmuşa geçirmek;

✅ ÝUNESKO-nyň howandarlygynda emeli aň etikasy boýunça Halkara bilermenler forumyny geçirmek;

✅ her ýylyň 19-njy noýabryny Halkara resminama mirasy güni hökmünde yglan etmek;

✅ ÝUNESKO-nyň düzüminde Halkara sanly miras institutyny döretmek;

✅ 2027-nji ýylda Buhara şäherinde ÝUNESKO-nyň döredijilik şäherleriniň torunyň çäginde senetçilik we halk döredijiligi boýunça Halkara kongresini geçirmek;

✅ agza-döwletleriň öňdebaryjy tejribelerini öwrenmek, bilim alyşmak hem-de bu ugurda hyzmatdaşlygy ösdürmek maksady bilen ÝUNESKO-nyň zenan öňdebaryjylygy boýunça akademiýany döretmek;

✅ Samarkantda bilim, medeniýet we ylym ulgamyndaky Global zenanlar forumyny geçirmek;

✅ “ÝUNESKO-nyň ekologiýa paýtagty” atly global başlangyjy öňe sürmek – bu başlangyç daşky gurşawa jogapkärli çemeleşýän we “ýaşyl” maksatnamalary üstünlikli durmuşa geçirýän şäherleri aýratyn ykrar etmegi hem-de sylaglamagy göz öňündetutýar;

✅ “Globalizasiýa we howa üýtgemeleri şertlerinde medeni mirasy goramak boýunça çäreleri güýçlendirmek hakynda” ÝUNESKO-nyň Ýerine ýetiriji geňeşiniň kararnamasyny işläp taýýarlamak;

✅ globalizasiýa we howa üýtgemeleri şertlerinde medeni mirasy goramak boýunça Hywada halkara simpoziumyny geçirmek;

✅ wirtual giňişlikde adalatsyz maglumatlaryň ýaýramagyna, jemgyýetçilik pikirine garşy hilegärlik ulanmak we olaryň kemsidilmegine garşy bilelikde netijeli çäreleri görmek;

✅ ýaş nesliň iň oňat döredijilik işlerini we multimediýa pikirlerini alyşmak maksady bilen Çagalaryň medeni mazmunly halkara festiwalyny geçirmek;

✅ maglumat sowatlylygyny ösdürmek boýunça ÝUNESKO-nyň Toplumlaýyn strategiýasyny işläp taýýarlamak;

✅ Özbegistanda durmuşa geçirilen özboluşly taslamalaryň – Yslam medeniýeti merkeziniň, Imam Buhari, Imam Maturidi, Imam Termizi we Bahauddin Nagyşbendi ylmy merkezleriniň mümkinçiliklerinden bilelikde peýdalanmak.

Maglumat Özbegistanyň Türkmenistandaky Ilçihanasy tarapyndan hödürlendi.