Frankfurtda Türkmenistanyň Ykdysadyýet günleri üstünlikli başlady
Maýn boýundaky Frankfurt, 30-njy oktýabr | ORIENT. Germaniýanyň işewürlik merkezi bolan Maýn boýundaky Frankfurt şäherinde Türkmenistanyň Ykdysadyýet günleri öz işine başlady. “Radisson Blu” myhmanhanasynda geçirilýän iki günlük giň möçberli çäre Türkmenistanyň esasy ministrlikleriniň we senagat edaralarynyň wekillerini, şeýle hem “Siemens”, “Thyssenkrupp”, “CLAAS” we “John Deere” ýaly iri nemes kompaniýalarynyň we maliýe edaralarynyň ýolbaşçylaryny bir ýere jemledi.
30-njy oktýabr, forumyň birinji güni, energetika, senagat, oba hojalyk tehnologiýalary we saglygy goraýyş ulgamlaryny öz içine alýan ikitaraplaýyn hyzmatdaşlygyň strategik ugurlaryna bagyşlandy.
Forum Türkmenistanyň Söwda-senagat edarasynyň Daşary ykdysady gatnaşyklar bölüminiň başlygynyň orunbasary Kemal Gutlyýewiň başlyklyk etmeginde geçirilen umumy mejlis bilen açyldy. Mejlisiň çäginde türkmen ykdysadyýetiniň üstünlikleri we maýa goýum mümkinçilikleri barada wideo şekiller görkezildi.
Merkezi esasy Türkmenistanyň Ministrler Kabinetiniň Başlygynyň orunbasary Nökerguly Atagulyýewiň giňişleýin çykyşy we German ykdysadyýetiniň Gündogar komitetiniň dolandyryjy direktory Mihael Harmsyň gutlag sözleri boldy.
Günüň işi dört tematiki sessiýa alnyp barlyp, onda anyk maýa goýum taslamalary we tehnologik hyzmatdaşlyk üçin mümkinçilikler beýan edildi.
Sessiýa 1: Söwda-ykdysady gatnaşyklaryň strategiýasy
Mihael Harmsyň ýolbaşçylygynda geçirilen birinji sessiýada iki ýurduň arasyndaky söwda-ykdysady gatnaşyklaryň häzirki ýagdaýy we ösüşiniň mümkinçilikleri ara alnyp maslahatlaşyldy. Türkmenistanyň Maliýe we ykdysadyýet ministriniň orunbasary Babanyýaz Ýalakow, şeýle hem Frankfurt Söwda-senagat edarasynyň we “Türkmen-german forum” assosiasiýasy ýaly bank we döwlet edaralarynyň ýolbaşçylary çykyş etdiler.
Sessiýa 2: Energetika we himiýa pudaklaryna maýa goýumlar
Bu bölüm uly gşwrümli senagat oýunçylarynyň ünsüni özüne çekdi. Döwlet eýeçiligindäki “Türkmengaz” we “Türkmennebit” konsernleriniň wekilleri nebitgaz we himiýa senagatyndaky maýa goýum taslamalary bilen tanyşdyrdylar. German tarapyndan “Siemens Energy” kompaniýasynyň Merkezi Aziýa boýunça wise-prezidenti Maksim Zubow we “Thyssenkrupp Uhde GmbH” kompaniýasynyň sebitleýin direktory Kristofer Frank dagylar çykyş etdiler.
Şeýle hem Türkmenistanyň ýangyç-energetika pudagyny döwrebaplaşdyrmak we diwersifikasiýalaşdyrmak üçin öňdebaryjy nemes tehnologiýalaryny ornaşdyrmak meseleleri ara alnyp maslahatlaşyldy.
Sessiýa 3: Agrosenagat toplumy we dokma
Oba hojalyk tehnologiýalaryna we ýeňil senagata bagyşlanan sessiýada Türkmenistanyň eksport-import pudagyndaky mümkinçilikler beýan edildi. Per Brodersen (Germaniýanyň oba hojalyk birleşigi) we Türkmenistanyň Dokma senagaty ministri Nurmuhammet Orazgeldiýew anyk ugurlarda hyzmatdaşlygyň mümkinçiliklerini ara alyp maslahatlaşdylar.
Dünýäde oba hojalyk tehnikalaryny we enjamlaryny öndürýän iri kompaniýalary: “CLAAS Global Sales GmbH” (Mihael Baýer) we “John Deere Waldorf International GmbH” (Peter Zakse), şeýle hem dokma enjamlaryny öndüriji KARL MAYER STOLL (Patrik Wolfart) üns merkezinde boldy.
Sessiýa 4: Hyzmatdaşlygyň täze gözýetimleri
Jemleýji sessiýa saglygy goraýyş, senagat, ulag we aragatnaşyk meselelerine bagyşlandy. Çykyş edenler, şol sanda ministrleriň orunbasarlary Azat Öwezow (Türkmenistanyň Saglygy goraýyş we derman senagaty) we Baýramguly Tatow (Türkmenistanyň Gurluşyk we binagärlik), şeýle hem “Siemens Healthineers” kompaniýasynyň wekili Daniel Friş Germaniýanyň derman senagaty, lukmançylyk we gurluşyk tehnologiýalaryny ornaşdyrmak barada ara alyp maslahatlaşdylar.
Ulag we logistika pudagy (“Türkmenhowaýollary” Döwlet gullugy) we senagat innowasiýalary (VDMA, Germaniýanyň mehanikler-inženerler bileleşigi) bu pikir alyşmada esasy orny eýeledi.
Resminamalara gol çekilmegi we netijeler
Forumyň birinji gününde gazanylan ylalaşyklary berkitýän ikitaraplaýyn hyzmatdaşlyk hakyndaky resminamalaryna gol çekmek dabarasy bilen tamamlandy. Günüň ikinji ýarymynda ikitaraplaýyn duşuşyklar (B2B we B2G) geçirildi, bu duşuşyklar türkmen we nemes kompaniýalaryna anyk taslamalary, maýa goýumlaryny we senagat birleşiklerini döretmek üçin gönüden-göni meýdançany üpjün etdi.
