Türkmen himiýa we dokma önümleriniň eksporty 7,8 million dollardan geçdi

Oktýabr 28, 2025 | 11:50 |13190

Birleşen Arap Emirlikleriniň, Owganystanyň, Ukrainanyň we Özbegistanyň işewür toparlarynyň wekilleri daşary ýurt walýutasyna «Türkmenhimiýa» Döwlet konserniniň önümçilik desgalarynda öndürilen suwuklandyrylan gazy we karbamidi satyn aldylar.

Mundan başga-da, walýutanyň hasabyna nah ýüplügi, flanel matasy, buýan köküniň ekstrakty we arassalanan egirlen pagta galyndylary hem ýerlenildi.

Satyn alyjy-ýurtlaryň arasynda Türkiýe, Azerbaýjan we Serbiýa bar. Eksport geleşikleriň jemi möçberi 7 million 862 müň ABŞ dollaryndan geçdi.

1994-nji ýylda esaslandyrylan TDHÇMB Türkmenistanda eksport we import gatnaşygyny düzgünleşdirýän esasy edaradyr.