OpenAI aýdym-saz döretmek üçin emeli aň ulgamyny döredýär
OpenAI saz döretmäge ukyply emeli aň modelini işläp taýýarlamaga başlady. Taslama Amerikanyň meşhur Juilliard saz mekdebi bilen hyzmatdaşlykda amala aşyrylýar, bu okuw mekdebi saz notalaryny belliklemek işinde ýardam eder. Model tekst we audio görkezmeler esasynda saz döretmäge ukyply bolar we geljekde ChatGPT ýa-da Sora platformalaryna integrirlenip bilner.
Bu gural Google, Suno we Udio kompaniýalarynyň çözgütleri bilen bäsleşer. OpenAI saz döretmegi öz platformalaryndaky ulanyjylaryň gatnaşygyny artdyrmagyň we girdejileri köpeltmegiň bir ýoly hökmünde görýär. Häzirki wagtda bu platformalarda takmynan 800 million ulanyjy bar.
Modeliň mahabat we wideo öndürijilik pudagynda hem uly täjirçilik mümkinçilikleri bar. Ol wokal ýazgylar üçin gitara akkordlaryny awtomatik döredip biler ýa-da wideo mazmuny üçin fon sazy saýlap biljek, bu bolsa mahabat agentlikleriniň işini ýeňilleşdirer.
OpenAI, Sora wideo platformasynda bolşy ýaly, hukuk eýelerine mazmunyň gözegçiligini we girdejileriň paýlanyşyna gatnaşmak mümkinçiligini berip biler. Saz modeliniň resmi işe giriziljek senesi we ony integrirlemek üçin platformanyň ady entek mälim edilmedi.
