Moskwa | Türkmenistan bilen Russiýa häzirki zaman wehimlerine we howplaryna garşy göreşmek strategiýasy maslahatlaşdyrlar
Türkmenistan we Russiýa Federasiýasy sebitleýin we ählumumy howpsuzlyk meselelerinde hyzmatdaşlygy çuňlaşdyrýarlar. 27-nji oktýabrda Moskwa şäherinde DIM-niň arasynda häzirki zaman wehimlerine we howplaryna garşy göreşmek meseleleri boýunça geňeşmeler geçirildi.
Türkmen wekiliýetine Türkmenistanyň Daşary işler ministriniň orunbasary Ahmet Gurbanow, rus tarapyna – Russiýa Federasiýasynyň Daşary işler ministriniň orunbasary Dmitriý Lýubinskiý ýolbaşçylyk etdiler.
Duşuşyk iýun aýynda gol çekilen Türkmenistanyň DIM-i bilen Russiýa Federasiýasynyň DIM-niň arasynda 2025-2026-njy ýyllarda hyzmatdaşlyk etmegiň maksatnamasyny iş ýüzünde durmuşa geçirmegiň çäklerinde geçirildi.
Gün tertibine sebitleýin howplar, şol sanda Owganystandaky we Merkezi Aziýadaky ýagdaýlar babatynda pikirleri alyşmak girizildi alşyldy. Diplomatlar howpsuzlyk ulgamynda we täze wehimlere garşy göreşmek babatyndaky ikitaraplaýyn görnüşdäki türkmen-rus hyzmatdaşlygyna aýratyn üns berdiler.
Taraplar halkara guramalarynyň çäklerinde netijeli özara gatnaşygy belläp geçdiler şeýle hem köptaraplaýyn düzümleriň çäklerinde utgaşdyrmagyň mümkinçiliklerini hem gözden geçirdiler. Maglumat howpsuzlygy ulgamynda döwlet häkimiýetiniň iň gowy tejribelerini umumylaşdyrmagyň we mümkinçiliklerini artdyrmagyň zerurlygyna aýratyn üns berildi.
Geňeşmeleriň jemleri boýunça, degişli ugurda daşary syýasat babatynda ýakyn hyzmatdaşlyga hem-de özara goldaw bermäge bolan meýil tassyklanyldy we yzygiderli iş gatnaşyklaryny saklamak barada ylalaşyldy.
ORIENT
