Halk Maslahatynyň Başlygy Bitaraplygynyň 30 ýyllygy mynasybetli dabaralara taýýarlyk görmek boýuça iş maslahatyny geçirdi
24-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Aşgabatda ýurduň hemişelik Bitaraplygynyň 30 ýyllygy ýyllygy hem-de Halkara parahatçylyk we ynanyşmak ýyly mynasybetli çäreleri ýokary derejede geçirmek boýunça Guramaçylyk döwlet toparynyň hojalyk iş maslahatyny geçirdi. Hökümet agzalarynyň gatnaşmagynda Bitaraplyk binasynyň ýanynda geçirilen iş maslahatyny BMG-niň döredilmeginiň 80 ýyllygyna gabat geldi. Bu bolsa oňa aýratyn simwoliki ähmiýet berdi.
Halk Maslahatynyň Başlygynyň ýolbaşçylyk etmeginde geçirilen iş maslahatynda öňde boljak halkara dabaralary bilen gönüden-göni baglanyşykly paýtagty döwrebaplaşdyrmagyň toplumlaýyn meýilnamasy üns merkezinde boldy.
Gurbanguly Berdimuhamedow gurulýan we döwrebaplaşdyrylýan binalaryň şekil taslamalaryny gözden geçirip, ýanaşyk ýerlerini abadanlaşdyrmakda we onuň çäklerinde bag nahallarynyň oturdylmagynda ýerli tebigy aýratynlyklaryň göz öňünde tutup, häzirki zaman ylmynyň gazananlarynyň nazara alynmalydygynyň zerurdygyna ünsi çekdi.
Ozal Halk Maslahatynyň Başlygy Bitaraplyk binasynyň we onuň golaýyndaky seýilgähiň durkuny täzelemek boýunça görkezmeler beripdi: bezeg işlerinde ýurduň BMG-niň degişli kararnamalary arkaly üç gezek ykrar edilen hukuk derejesini şöhlelendirmeli hem-de Birleşen Milletler Guramasynyň baýdagynyň nyşanlary we reňki öz beýanyny tapmaly. Şeýle talaplar Bitarap Türkmenistan we Çandybil şaýollarynyň aýlawly çatrygynyň ýolunyň bezeg işleri üçin hem öňe sürüldi.
Bitaraplyk muzeýine aýratyn üns berildi, bu ýerde ýurduň hemişelik Bitaraplyk derejesiniň taryhyna we BMG-niň degişli resminamalara möhüm orun berilmelidir.
Aşgabadyň abadanlaşdyrylmagy baradaky gürrüňi dowam edip, Halk Maslahatynyň Başlygy alnyp barylýan işleriň guramaçylyk ýagdaýynda we paýtagty bagy-bossanlyga büremek işlerinde haýal-ýagallyga ýol berlendigi üçin Aşgabat şäheriniň häkimi Rahym Gandymowa nägilelik bildirdi.
Protokol taýýarlygyna aýratyn üns berildi. Türkmenistanyň hemişelik Bitaraplygynyň 30 ýyllygy mynasybetli guraljak dabaralara BMG-ä agza ýurtlaryň döwlet we hökümet Baştutanlarynyň gatnaşmagyna garaşylýar. Şunda Gurbanguly Berdimuhamedow myhmanlaryň türkmen halkynyň milli däpleriniň esasynda garşylanylmagyna, olara ýokary derejeli hyzmatlaryň hödürlenilmegine zerur üns berilmelidigini tabşyrdy.
Iş maslahatynyň ahyrynda halkara çäreleriniň maksatnamalaryny taýýarlamak we köpçülikleýin bag nahallaryny (türkmen arçasyny) oturtmagyň güýzki möwsümi guramaçylykly geçirmek, şeýle hem bu çärä şäher ilatynyň işjeň gatnaşmagyny üpjün etmek babatda öwüt-nesihatlaryny berdi.
