Türkmenbaşyda halkara deňiz konwensiýalary boýunça IMO we IHO sebitleýin okuw maslahaty geçiriler
Deňiz-derýa ulaglary pudagyny işjeň ösdürýän Türkmenistan, Türkmenbaşy deňiz port şäherinde iri halkara çäräniň geçirilmegi boýunça meýilnamany tassyklady.
Ministrler Kabinetiniň mejlisinde Prezident Serdar Berdimuhamedow Halkara Deňiz Guramasy (IMO) hem-de Halkara Gidrografik Guramasy (IHO) bilen bilelikde guraljak sebitleýin okuw maslahatyny geçirmegiň teklibini makullady.
Halkara derejesindäki hünärmenleri taýýarlamak boýunça görülýän çäreler barada wise-premýer Mämmethan Çakyýew hasabat berdi.
Okuw maslahatyň baş maksady — IMO-nyň halkara konwensiýalarynyň talaplarynyň ýerine ýetirilmegini üpjün etmek we deňizçileriň bu ugurdaky hünär bilim derejesini ýokarlandyrmakdyr. Iki esasy halkara guramanyň gatnaşmagy Türkmenistanyň deňiz söwda flotunyň dünýäniň logistika standartlaryna doly integrirlenmegine bolan ymtylyşyny görkezýär.
Döwlet Baştutanymyz ýurdumyzyň deňiz söwda flotunyň işini kämilleşdirmek we ýokary hünärli işgärleri taýýarlamak ugrunda alnyp barylýan netijeli işleri belläp, okuw maslahatyň ýokary derejede guralmagy üçin wise-premýere degişli işleri geçirmek tabşyrdy.
ORIENT
