Rekord sanawy: Time žurnaly 2025-nji ýylyň 300 iň gowy oýlap tapyşlaryny mälim etdi
Time žurnaly her ýyllyk “Time’s Best Inventions” sanawyny — soňky 12 aýyň iň gowy oýlap tapyşlarynyň sanawyny neşir etdi. 2025-nji ýylda sanaw rekord derejä ýetdi: oňa 300 iň uly innowasiýa girizildi, bu bolsa sanawyň 25 ýyllyk taryhyndaky iň uly san boldy.
Time žurnalynyň ekspertleri sanawy taýýarlamak üçin dünýäniň dürli künjeklerinden redaktorlar we habarçylar tarapyndan teklipleri aldy. Oýlap tapyşlara baha bermekde esasy ölçegler olaryň netijeliligi, mümkinçiligi we degişli ugurda täsiri boldy.
Innowasiýalar birnäçe toparça bölünýär, şol sanda:
• Robototehnika (meselem, täze nesil gumanoid robotlar).
• Emeli aň (AI).
• Saglyk, Gözellik we Dizaýn.
• Oba hojalygy we Azyk.
2025-nji ýylyň iň üns çekiji oýlap tapyşlarynyň arasynda: eplenilýän proýektor, gyzgynlyk berýän sport aýakgaplary, akylly howpsuzlyk kemeri we ilkinji IR fen görkezilýär. Bu täze önümler innowasiýalaryň çalt depginiň dünýäni nähili üýtgedýändigini görkezýär.
Time žurnalynyň redaktorlary soňky çärýek asyrda innowasiýalaryň depginiň hemişe çaltlanýandygyny, munuň bolsa sanawy giňeltmegiň sebäbi bolandygyny nygtaýarlar. Öňki ýyllarda sanaw hem möhüm öňegidişlikleri öz içine aldy: 2024-nji ýylda bu görünýän notebooklar we akylly tualetler, 2023-nji ýylda bolsa uçýan awtoulag we MSG Sphere amfiteatry boldy.
ORIENT
