Arkadag şäherinde ýol gurluşyk işleri sebäpli ulaglaryň hereketine wagtlaýyn çäklendirme girizildi
Arkadag şäherinde 15-nji oktýabrdan başlap, şäheriň demirgazyk böleginde ýerleşýän we Akhan şaýoly bilen birleşýän Garry Kulyýew köçesiniň bir böleginde ulaglaryň hereketi wagtlaýyn çäklendirildi. Bu çäklendirmeler gurluşyk we gurnama işleriň geçirilýändigi sebäpli girizildi diýip, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komiteti we Arkadag şäheriniň häkimligi habar berýär.
Mundan ozal Aşgabat — Gökdepe awtomobil ýolunyň täzelenen bölegi ulanyşa berildi, bu bolsa ýolagçylar we sürüjiler üçin şertleri ep-esli gowulandyrdy. Ýol infrastrukturasyny döwrebaplaşdyrmak işleri raýatlar üçin has amatly şertleri döretmek boýunça maksatnamanyň çäklerinde dowam etdirilýär.
Şäher ýaşaýjylaryna we ulag sürüjilerine öz ugruny öňünden meýilleşdirmek hem-de ýol belgilerindäki görkezmelere berk eýermek maslahat berilýär.
