Türkmenistanyň Halkara gatnaşyklary instituty THE 2026 reýtinge girizildi
Oktýabr aýynyň 9-nda Türkmenistanyň Daşary işler ministrliginiň Halkara gatnaşyklary instituty (HGI DIM) akademiki ösüşinde möhüm sepgide ýetdi. Institut abraýly halkara derejeli Times Higher Education World University Rankings 2026 reýtingine “reporter” (habar beriji) resmi dereje bilen girizildi.
Bu üstünlik institutyň ýokary bilimiň halkara baha beriş standartlaryna laýyk gelmäge hakyky ymtylýandygyny hem-de dünýä derejesindäki bilim hyzmatdaşlygyna ygrarlylygyny tassyklaýar.
Times Higher Education (THE) dünýäde iň öňdebaryjy akademiki reýtingleriň biridir. Ol ýokary okuw mekdepleriniň netijeliligini bäş esasy ugur boýunça toplumlaýyn bahalandyrýar:
• Okatmak (okuw gurşawy).
• Ylmy barlaglar (möçber, girdeji we abraý).
• Bilimiň geçirilmegi (innowasiýalar).
• Halkara hyzmatdaşlygy (mugallymlar, talyplar we ylmy işleri).
Bu reýtinge girizilmegi, Türkmenistanyň Halkara gatnaşyklary institutynyň ylmy kuwwatyny we akademiki mümkinçiliklerini halkara tejribelerine laýyklykda pugtalandyrmak ugrunda işjeň hereket edýändigini görkezýär. Institut dünýä bilim giňişligine integrasiýa ýolunda üstünlikli öňe barýar.
ORIENT
