Türkmenistanyň Parlamentiniň işiniň ýanwar-sentýabr aýlary boýunça hasabaty – hökümet mejlisinden
Aşgabat, 3-nji oktýabr | ORIENT. Anna güni geçirilen hökümet mejlisinde Mejlisiniň Başlygy Dünýägözel Gulmanowa Türkmenistanyň Prezidenti Serdar Berdimuhamedowa şu ýylyň ýanwar–sentýabr aýlary aralygynda milli parlamentiň alyp baran işi barada hasabat berdi.
Kanunçykaryjylyk işi
Hasabat döwründe 16 sany kanunçylyk namalary kabul edildi. Olaryň arasynda — “Bitarap Türkmenistanyň parahatçylyk we ynanyşmak syýasatynyň hukuk esaslary hakynda” Konstitusion Kanuny, Raýat kodeksiniň we “Kazyýet hakynda” Kanunyň täze redaksiýalary, şeýle hem “Saýlawçylaryň bitewi döwlet sanawy hakynda”, Türkmenistanyň halkara şertnamalaryna goşulmagy barada kanunlar we beýleki birnäçe resminamalar bar.
Hereket edýän kanunçylyga jenaýat, raýat, zähmet, maşgala we salgyt hukugyna, şeýle hem migrasiýa, ulag, gümrük düzgünleşdirmesi we içeri işler edaralarynyň işine degişli üýtgetmeleri we goşmaçalary girizdi.
Halkara hyzmatdaşlygy
Mejlis 14 karary kabul etdi hem-de Türkmenistana akkreditirlenen dokuz ýurduň Adatdan daşary we Doly ygtyýarly ilçileriniň ynanç hatlaryny kabul etdi. Daşary ýurt parlamentleriniň we diplomatik wekiliýetleriniň wekilleri bilen 51 duşuşyk geçirildi.
Awazada BMG-niň Deňze çykalgasy bolmadyk ýurtlar boýunça üçünji maslahatynyň çäginde geçirilen Parlament forumy möhüm waka boldy.
Deputatlaryň hünär taýdan ösüşi
Hasabat döwründe Mejlisiň deputatlary we hünärmenleri halkara guramalar bilen bilelikde guralan 78 seminara we geňeşmrlere gatnaşdylar, şeýle hem kanun çykaryjy ulgamy ugrunda öňdebaryjy tejribäni öwrenmek maksady bilen daşary ýurtlara 29 gulluk saparyny amala aşyrdylar.
…Berlen maglumatlary jemläp, Prezident Serdar Berdimuhamedow döwletimiziň hukuk binýadyny döwrebaplaşdyrmagyň strategik ähmiýetine ünsi çekip, milli parlamentiň ýolbaşçysyna ýurdumyzyň ösüş maksatlaryna laýyklykda milli kanunçylygy kämilleşdirmek ugrunda işi dowam etdirmegi tabşyrdy.
