Russiýanyň ýokary okuw mekdeplerinde mugt bilim alyp biljek türkmen talyplarynyň sany belli boldy
Sentýabr 15, 2025 | 12:40 |7843
Russiýanyň hökümeti 2026/2027-nji okuw ýyly üçin Russiýanyň ýokary okuw we orta hünär okuw mekdeplerinde bilim almak üçin Türkmenistanyň raýatlaryna 500 býujet orunlaryny berdi. Bu barada RF-nyň Türkmenistandaky ilçihanasy habar berdi.
«Bu – bilim almaga çalyşýan we has gowy bilim mümkinçilikleri barada arzuw edýänler üçin özboluşly mümkinçilikdir» - diýip, ilçihananyň habarynda aýdylýar.
Hödürlenýän orunlar boýunça okamak mümkinçiligine dalaş etmek üçin dalaşgärler resmi saýtda – education-in-russia.com– hasaba alynmalydyrlar. Täze arza kabul ediş çäreleri eýýäm sentýabryň 15-den başlandy.
ORIENT
