TDU-da ylymda we bilimde gazanylan üstünlikler bellendi
Awgust aýynyň 10-nda Magtymguly adyndaky Türkmen döwlet uniwersitetinde «Ylym – ýurdumyzyň parahatçylyk söýüjilikli syýasatynyň esasydyr» atly dabaraly çäre geçirildi. Bu baýramçylyk Türkmenistanyň Garaşsyzlygynyň 34 ýyllygyna we Halkara parahatçylyk we ynanyşmak ýylyna, şeýle hem ýurdumyzyň ylym-bilim ulgamynda gazanylan üstünliklere bagyşlandy.
Çäräniň dowamynda uniwersitetiň Türkmenistanda ýokary okuw mekdepleriniň Milli reýtinginde gazanan ýokary netijeleri bellenildi. Gazanylan üstünlikler üçin Türkmenistanyň Bilim ministriniň Hormat hatlary bilen sylaglananlar:
• Matematika fakulteti
• Nazary we eksperimental fizika kafedrasy
• Matematiki derňew kafedrasy
• N. Gurbanmämmedow – kafedra müdiri, fizika-matematika ylymlarynyň kandidaty
• A. Amanmädova – nazary we ekperimental fizika kafedrasynyň mugallymy
• M. Aşyralyýewa – amaly matematika we informatika kafedrasynyň uly mugallymy.
Mundan başga-da, «Ýylyň talyby–2025» bäsleşiginde birinji orny eýelän talyp S.Saryýew Hormat haty bilen sylaglanyldy. Şeýle hem hukuk fakultetiniň mugallymlaryna we talyplaryna Türkmenistanyň Demokratik partiýasynyň agzalyk şahadatnamalary gowşuryldy.
Dabaranyň ahyrynda «Bagtyýarlyk owazlary» toparynyň ýerine ýetirmeginde baýramçylyk konserti guraldy, şeýle hem türkmen halkynyň Milli Lideri Gahryman Arkadagymyzyň, hormatly Prezidentimiziň döredijilik işleri hem-de talyplar tarapyndan taýýarlanan taslamalar görkezilen sergi açyldy.
ORIENT
