Aşgabat lýuks stilinde: täzelenen Paul & Shark butigi we köpbrendli aýakgap giňişligi açyldy
5-nji sentýabrda paýtagtymyzyň «Altyn Zaman» Söwda Merkezinde ähli moda muşdaklary üçin ajaýyp waka boldy – täzelenen konsepsiýada işleýän Paul & Shark butiginiň we köpbrendli aýakgap giňişliginiň açylyşy geçirildi. Bu ýerde Santoni, Barrett ýaly ajaýyp aýakgap markalarynyň hem-de nepis Marchesato saýawanlarynyň kolleksiýalary hödürlenen.
Agşamyň myhmanlary täze Paul & Shark kolleksiýasyny ilkinji bolup görmäge hem-de häzirki zaman stilinde bezelen, amatlylygyň we nepis estetikanyň utgaşdyrylýan butigiň interýerini synlamaga mümkinçilik aldylar. Dabaranyň gurşawy ýakymly we dostlukly boldy: gatnaşyjylar moda tendensiýalaryny ara alyp maslahatlaşdylar, täze brendler bilen tanyşdylar we furşetden lezzet aldylar.
Açylyş dabarasy stil taýdan täzelikleri mynasyp bahalandyrýan myhmanlary jemläp, «Altyn Zaman» Söwda Merkeziniň paýtagtymyzyň ýaşaýjylaryna we myhmanlaryna eksklýuziw brendleri hem-de üýtgeşik söwda tejribesini hödürleýändigini ýene-de bir gezek görkezdi. Täze köpbrendli butik bolsa, lýuks aýakgaplarynyň we aksessuarlaryň görkezilýän, nepislik we kaşaňlyk gurşawyny döredýän giňişlik boldy.
Guramaçylar butikleriň her gün myhmanlary garşylamaga taýýardygyny belläp, hemmeleri ylhamyň we kämil stiliň gurşawyny paýlaşmaga çagyrýarlar.
