Howpsuzlygyň goragynda: Türkmenistanda hukuk goraýjy edaralaryň ýerine ýetiren işleriniň netijelerine garaldy
Türkmenistanyň Prezidenti, Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi. Onuň dowamynda harby we hukuk goraýjy edaralaryň 2025-nji ýylyň sekiz aýynda ýerine ýetiren işleriniň netijelerine garaldy.
Mejlisiň esasy temasy — ýurtda parahatçylygy we howpsuzlygy üpjün etmek, bu döwlet syýasatynyň ileri tutulýan ugrudyr. Duşuşyga gatnaşyjylar aşakdaky meseleleri ara alyp maslahatlaşdylar:
Harby doktrina: Döwlet Baştutany goranyş häsiýetli Harby doktrinanyň mundan beýläk-de berkidiljekdigini we Ýaragly Güýçleri döwrebap derejede ösdürmek boýunça alnyp barylýan işleri mundan beýläk hem dowam etdirjekdigini belledi.
Baýramçylyga taýýarlyk: Türkmenistanyň Garaşsyzlygynyň 34 ýyllyk baýramyna taýýarlyk gowy taýýarlyk görmegiň wajypdygyna üns çekildi. Şunuň bilen baglylykda, Döwlet howpsuzlyk geňeşiniň sekretary, goranmak ministri Begenç Gündogdyýewe dabaraly harby ýörişiň ýokary derejede guramaçylykly geçirilmegini üpjün etmek tabşyryldy.
Ýol hereketiniň howpsuzlygy: “Ýol hereketiniň howpsuzlygy — ömrümiziň rahatlygy” atly biraýlyk hem üns merkezinde boldy. Içeri işler ministri Muhammet Hydyrowa meýilleşdirilen ähli çäreleriň guramaçylykly geçirilmegini üpjün etmek tabşyryldy.
Hukuk tertibi: Kadalaşdyryjy hukuk namalarynyň talabalaýyk berjaý edilişi boýunça meselelere garaldy.
Durmuş goraglylygy: Watan goragçylarynyň, olaryň maşgala agzalarynyň ýaşaýyş-durmuş şertlerini has-da ýokarlandyrmak boýunça yzygiderli çäreleriň mundan beýläk hem dowam etdiriljekdigi bellenildi.
Sanlylaşdyrmak: Gulluklaryň ýolbaşçylary, netijeliligini ýokarlandyrmak üçin özleriniň ýolbaşçylyk etýän düzümleriniň işinde sanly ulgamlaryň we ösen tehnologiýalaryň ornaşdyrylmagy barada hasabat berdiler.
Döwlet serhedi: Prezidentiň belleýşi ýaly dostlugyň hem-de hoşniýetli goňşuçylygyň serhedi bolan döwlet serhedini ygtybarly goragyny üpjün etmegiň ähmiýeti nygtaldy.
Mejlisiň dowamynda Prezident Serdar Berdimuhamedow “Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda” Permana gol çekdi hem-de harby we hukuk goraýjy edaralaryň her biri üçin birnäçe anyk görkezmeler berdi.
ORIENT
