Türkmenistanyň Prezidenti Lissabonda bolup geçen pajygaly waka zerarly Portugaliýa gynanç bildirdi
Türkmenistanyň Prezidenti Serdar Berdimuhamedow Portugaliýa Respublikasynyň Prezidenti Marselo Rebelo de Souza ýurduň Lissabon şäherinde bolup geçen, pajygaly waka zerarly gynanç hatyny iberdi. Döwlet Baştutany şu agyr pursatda gurban bolanlaryň dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de hut öz adyndan ýürekden gynanjyny, medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
Bu pajygaly waka çarşenbe güni agşam Lissabonyň merkezinde bolup geçdi. Ol ýerde “Gloriýa” funikulýar wagony reslden sypdy. Bu wakanyň netijesinde 17 adamyň pida boldy we 20-den gowrak adamyň şikes aldy. Pida bolanlaryň arasynda Kanadanyň, Germaniýanyň, ABŞ-nyň, Ukrainanyň, Ispaniýanyň, Günorta Koreýanyň, Fransiýanyň, Italiýanyň we Şweýsariýanyň raýatlary bar.
ORIENT
