Gurbanguly Berdimuhamedow Arkadag şäherinde desgalaryň gurluşygynyň depgini bilen tanyşdy
31-nji awgustda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, ol ýerde gurluşygynyň ikinji tapgyryndaky işleriň depgini bilen tanyşdy we hödürlenen şekil taslamalaryna birnäçe bellikleri aýtdy we degişli düzedişleri girizdi.
Häzirki döwürde “akylly” şäher infrastrukturasyny giňeltmek üçin bina edilýän täze desgalaryň gurluşygynyň depgini barha ýokarlanýar. Türkmenistanyň Halk Maslahatynyň Başlygy önümçilik maksatly binalaryň taslamalaryna, ýol-ulag düzümine degişli desgalara aýaratyn üns berdi.
Bellikleri we degişli düzedişleri girizip, Gurbanguly Berdimuhamedow durmuş, önümçilik maksatly binalaryň hersiniň ähmiýetine görä, aýratynlykda ýerleşdirilmeginiň möhüm talap bolup durýandygyny nygtady.
Türkmen halkynyň Milli Lideri binalaryň gurluşyklarynyň hil derejesine we ekologik ýagdaýyna, dürli maksatly binalarynyň gurluşygynda, bezeg işlerinde ulanylýan serişdeleriň bu künjegiň toprak-howa şertlerine we halkara standartlaryna laýyk gelmeginine ünsi çekdi.
“Arkadag Medisina Klasteri Menejment” kärhanasy tarapyndan öndürilýän önümlere, şol sanda çaga iýmitleriniň görnüşlerine aýratyn üns berildi.
Gurbanguly Berdimuhamedow binalaryň bellenen möhletlerde ulanmaga berilmegi üçin ikinji tapgyrynyň gurluşygynyň çaltlandyrylmagyny şeýle hem gurluşyk işleriniň ýokary hil derejesini gözegçilikde saklamagy jogapkär adamlara tabşyrdy diýip, “Watan” habarlar gepleşinde habar berildi.
ORIENT
