Türkmenistanyň Prezidenti Gyrgyz Respublikasynyň Prezidentini gutlady
Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Gyrgyz Respublikasynyň Prezidenti Sadyr Žaparowy we ýurduň ähli doganlyk halkyny Garaşsyzlyk güni mynasybetli tüýs ýürekden gutlady.
Häzirki wagtda Türkmenistan bilen Gyrgyzystanyň arasyndaky hoşniýetli goňşuçylyk, dostluk we ynanyşmak ýörelgelerine esaslanýan däp bolan doganlyk gatnaşyklary täze mazmun bilen baýlaşdyrylýar diýip, hatda bellenilýär. Gyrgyzystan, döwletara gatnaşyklarynda, söwda, energetika we medeni alyş-çalyş ulgamynda Türkmenistan üçin möhüm hyzmatdaşdyr.
Döwlet Baştutany ikitaraplaýyn gatnaşyklarynyň bilelikdäki tagallalar netijesinde iki halkyň bähbidine has-da berkidiljekdigine berk ynam bildirdi. Prezident Serdar Berdimuhamedow ýakymly mümkinçilikden peýdalanyp, Prezident Sadyr Žaparowa tüýs ýürekden berk jan saglyk, bagtyýarlyk we abadançylyk, Gyrgyz Respublikasynyň doganlyk halkyna bolsa parahatçylyk, mundan beýläk-de ösüş, rowaçlyk arzuw etdi.
Soňky ýyllarda türkmen-gyrgyz gatnaşyklary syýasy dialogyň derejesinde, şeýle hem sebitleýin meseleler boýunça özara gatnaşyklaryň çäklerinde ýokary depgini görkezýär. Ilkinji nobatda, bu çalt depginde ösdürilýän “Merkezi Aziýa +” diplomatik meýdançasyna degişlidir, onuň esasynda sebitiň bäş ýurdunyň daşarky hyzmatdaşlar bilen netijeli dialog gurulýar.
ORIENT
