Türkmenistanly talyp Moskwada geçirilýän "Puşkin bilen tomus pasly" atly halkara maksatnamasyna gatnaşýar
Türkmenistanly talyp "Puşkin bilen tomus pasly" atly rus dilini we medeniýetini öwrenmek boýunça halkara maksatnamasyna gatnaşýar. Çäre 24-nji awgust - 6-njy sentýabr aralygynda Moskwada A.S.Puşkin adyndaky Döwlet rus dili institutynyň binýadynda geçirilýär.
Dil lageri 10 ýurtdan rus dilini öwrenýän 20 zehinli talyby ýygnady. Olar dünýäniň 35 ýurdyndan tabşyrylan 435 arzalaryň arasyndan saýlanyp alyndy. Gatnaşyjy ýurtlaryň arasyna Türkmenistan, Ermenistan, Gana, Müsür, Gazagystan, Gyrgyzystan, Liwiýa, Nigeriýa, Täjigistan we Özbegistan girdi.
Bu çäre zehinli ýaşlary goldamaga hem-de rus dilini çuňlaşdyryp öwrenmäge, häzirki zaman Russiýanyň taryhy we medeniýeti bilen tanyşmaga gönükdirilendir. Maksatnamanyň ahyrynda gatnaşyjylar rus dili we medeniýeti barada ele alan täze bilimlerini we duýgylaryny açyp görkezjek döredijilik taslamalary dörederler.
ORIENT
