Ýaponiýanyň ilçihanasy iýul aýynda geçirilen JLPT synagyň netijeleriniň elýeterlidigini mälim etdi
Awgust 25, 2025 | 15:17 |7619
2025-nji ýylyň 25-nji awgustyndan 31-nji oktýabry aralygynda JLPT (Japanese Language Proficiency Test) — ýapon diliniň bilim derejesini kesgitlemek boýunça synagyň netijeleri onlaýn görnüşde elýeterlidir. Bu synag şu ýylyň iýul aýynda geçirildi.
Barlaga gatnaşanlar öz netijelerini resmi JLPT Online Result saýtynda anketa doldurylan wagtynda berlen synag belgisi we açar sözüni girizip barlap bilerler.
Netijeler görkezilen şahadatnamalar Ýaponiýadan Türkmenistana sentýabr aýynyň ortalaryndan soňra iberiler diýip, Ýaponiýanyň Aşgabaddaky ilçihanasy habar berýär.
