Aliýewe ajaýyp ahalteke bedewi, Mirziýoýewe – köşekli arwana düýe sowgat berildi
Türkmenistanyň Halk Maslahatynyň Başlygy Gurbanguly Berdimuhamedow, Azerbaýjan Respublikasynyň Prezidenti Ilham Aliýew we Özbegistan Respublikasynyň Prezidenti Şawkat Mirziýoýew Awazada saparda bolmaklarynyň çäklerinde ahalteke bedewlerini we “Galkynyş” milli at üstündäki oýunlar toparynyň çykyşlaryny synladylar.
Çykyşlar tamamlanandan soňra, Türkmenistanyň Halk Maslahatynyň Başlygy Türkmenistanyň Prezidenti Serdar Berdimuhamedowyň we tutuş türkmen halkynyň adyndan Ilham Aliýewe Tawus atly ajaýyp ahalteke bedewi sowgat berdi diýip, Azerbaýjanyň Prezidentiniň web sahypasy habar berýär.
Özbegistanyň halkyna bildirilen çuňňur hormatyň nyşany hökmünde türkmen halkynyň Milli Lideri, Özbegistan Respublikasynyň Prezidenti Şawkat Mirziýoýewe gülläp ösüşi we abadançylygy alamatlandyrýan köşekli arwana düýäni sowgat berdi.
ORIENT
